गैंडाको खाग सहित पक्राउ
- नेचर खबर
धादिङमा गैंडाको खाग र कछुवाको खपटासहित दुई जनालाई प्रहरीले पक्राउ गरेको छ ।
विशेष सूचनाका आधारमा जिल्ला प्रहरी कार्यालय धादिङबाट खटिएको प्रहरी टोलीले लुकाइछिपाई राखेको अवस्थामा गैंडाको खाग एक थान र कछुवाको खपटा एक थान बरामद गरिएको हो।
पक्राउ पर्नेमा धादिङ नीलकण्ठ नगरपालिका – ११ गैरी गाउँका ६१ वर्षीय जिवनाथ बोहरा र ३९ वर्षीय रामबहादुर धमला रहेका छन् ।
बरामद वस्तुसहित प्रहरीले उनीहरूलाई कारबाहीका लागि डिभिजन वन कार्यालय पठाएको छ।
यस सम्बन्धमा प्रहरीले थप अनुसन्धान गरिरहेको छ ।
प्रतिक्रिया दिनुहोस