जलवायु परिवर्तनको असरले गर्दा झन्डै ६० हजार भारतीय किसानले पछिल्लो तीन दशकमा आत्महत्या गरेको एक अध्ययनले देखाएको छ ।

तापक्रम वृद्धि सँगै समाजमा जोखिम बढिरहेको छ । क्यालिफोर्नियाको बर्कली यूनिर्भसिटीले गरेको अध्ययन अनुसार दैनिक एक डिग्री सेल्सीयस तापक्रम वृद्धि हुँदा ६७ जनाले आत्महत्या गर्ने सम्भावना देखिएको छ ।

सोमबार प्रकाशित अध्ययन प्रतिवेदन अनुसार दैनिक पाँच डिग्री सेल्सियस तापक्रम बृद्धिहुँदा ३ सय ३५ को थप मृत्यु हुने उल्लेख छ ।

पछिल्लो ३० वर्षमा भारतमा कृषि क्षेत्रसम्बद्ध ५९ हजार तीन सयले आत्महत्या गरेका छन् ।

जलवायु परिवर्तनको असरले कृषि उद्योग घाटामा भएपछि तनाव भएर किसानहरूको आत्महत्या बढेको जनाइएको छ ।

अध्ययनकर्ता टम्मा कार्लेटनले गरेको अध्ययनका अनुसार राम्रो वर्षा भएको वर्ष भने आत्महत्या गर्ने किसानको सङ्ख्या पनि घटेको छ।

गार्डीयनबाट