जंगली बँदेलको आक्रमणबाट पाँच घाइते
- नेचर खबर
जंगली बँदेलको आक्रमणमा परी कञ्चनपुरको शुक्लाफाँटा नगरपालिका–७ का पाँचजना घाइते भएका छन् ।
मंगलबार घर नजिकैको सामुदायिक वनबाट जंगली बँदेल बस्तीमा छिरेको थियो । बँदेलको आक्रमणमा परि शुक्लाफाँटा नगरपालिका–७ का २६ वर्षका सुरेन्द्र साउद, ४५ वर्षकी मनिता बोहरा, २० वर्षका मानबहादुर साउद, १८ वर्षकी जानकी बोहरा र ५८ वर्षका कल्याण बोहरा घाइते भएको इलाका प्रहरी कार्यालय झलारीका प्रहरी नायव निरीक्षक लालमने जोशीले नेचर खबरलाई जानकारी दिए ।
बिहान ३ बजेतिर घरमै बसिरहेका बेलामा उनीहरुलाई बँदेलले आक्रमण गरेको थियो ।
घाइते पाँचैजनाको कैलालीको धनगढीमा रहेको सेती अञ्चल अस्पतालमा उपचार भइरहेको छ ।
प्रतिक्रिया दिनुहोस