दुई चिनियाँ नागरिक सालकको खपटा तस्करीमा समातिए
- नेचर खबर
४० वर्षीय क्वी जिओरोङ र ३४ वर्षीय क्वी लिबाओ चिनियाँ नागरिक नेपाल ल्याएको दुर्लभ वन्यजन्तु सालकको खपटासहित पक्राउ परेका छन् ।
टर्कीको इस्तानवुलबाट हवाई मार्गको प्रयोग गरी सोमबार दिउँसो टर्किस एयरलाइन्सको उडान नं. टी के ०७२६ मार्फत उनीहरु काठमाडौं आएका थिए ।
त्रिभुवन अन्तर्रा्ष्ट्रिय विमानस्थलको भन्सार कार्यालयको रेड च्यानल क्षेत्रको एक्सरेमा चेकजाँच गर्ने क्रममा १ सय ६२ केजी सालकको खपटासहित प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको हो ।
उनीहरुले ल्याएको खपटा अफ्रिकाको कंगोमा खरिद भएको र नेपाल हुँदै चिनमा विक्रीका लागि लाने तयारी भएको खुलेको सीआईबीले जनाएको छ ।
तस्करीमा कङ्गो, चिनियाँ, बङ्गलादेशी र नेपाली नागरिकको गिरोह संलग्न भएको प्रहरीको भनाइ छ । उनीहरु माथि थप अनुसन्धान भइरहेको छ ।
प्रतिक्रिया दिनुहोस