चक्रवात दानाका कारण भारतमा ३०० उडान, ५०० रेल रद्द
- नेचर खबर
काठमाडाैं - चक्रवाती आँधी ‘दाना’का कारण भारतमा उडान र यातायात प्रभावित भएको छ ।
बिहीबार पश्चिम बंगाल र ओडिशा राज्यमा दानाको असर बढी देखिने चेतावनी भारतको मौसम बिभागले दिएको थियो । ओडीसहाको तटमा ठुलो बर्षासहित आँधी आएको छ ।
आँधी र तुफानका कारण तीन डुंगा पल्टिदा १६ जना माछुवर बेपत्ता भएका छन् । आँधीका कारण ३०० उडान रद्द गरिएको र ५५० भन्दा बढी रेल रद्द गरिएको छ ।
सरकारले दाना आँधीले गर्ने सम्भावित क्षतिपछिको राहत र उद्धारका लागि २८८ टिम तैनाथ गरेको बताएको छ ।
भारतीय मौसम विज्ञान विभागको आँधीको चेतावनीपछि पश्चिम बंगाल सरकारले नौ जिल्लाका सबै विद्यालय बन्द राख्न निर्देशन दिएको छ ।
ओडिशाको प्रसिद्ध पर्यटकीय गन्तव्य पुरीबाट पर्यटकलाई बाहिर निकालिएको छ । प्रदेशका १४ जिल्लाका सबै विद्यालय बन्द गरिएको छ ।
प्रतिक्रिया दिनुहोस