हात्तीको आक्रमणबाट सुन्दरहरैंचामा वृद्धको मृत्यु
- नेचर खबर
काठमाडौं । जंगली हात्तीको आक्रमणबाट मोरङको सुन्दरहरैंचामा एक वृद्धको मृत्यु भएको छ । शुक्रबार राति छावा सहित बस्ती पसेको माउ हात्तीले आक्रमण गर्दा सुन्दरहरैंचा नगरपालिका–८ का ७१ वर्षका हरिप्रसाद घिमिरेको मृत्यु भएको जिल्ला प्रहरी कार्यालय मोरङले जनाएको छ ।
मध्यराति हात्ती आएर घरमा उपद्रो मच्चाउन थालेपछि भाग्न खोज्दा आक्रमणमा परी घिमिरेको घटनास्थलमै मृत्यु भएको प्रहरीले जनाएको छ । यसअघि गत पुस १५ गते पनि सुन्दरहरैंचा नगरपालिका-५ स्थित नमुना सामुदायिक वनमा गुरुङ टोल बस्ने ६० वर्षीया चन्द्रकुमारी लिम्बूको हात्तीको आक्रमणबाट मृत्यु भएको हो ।
पछिल्लो समय सुन्दरहरैंचा आसपासको क्षेत्रमा जंगली हात्तीको आतंकबाट स्थानीय त्रसित भएका छन् ।
प्रतिक्रिया दिनुहोस