आजको मौसम : तराईमा हुस्सु, हिमाली भेगका केही स्थानमा हिमपात
- नेचर खबर
काठमाडौं । हाल नेपालमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ ।
कर्णाली र सुदूरपश्चिम प्रदेशलगायत देशको पहाडी भू-भागमा हाल आंशिक बदली रहेको छ भने बाँकी भू-भागमा मौसम सामान्यतया सफा छ । यस्तै तराईका थोरै स्थानहरूमा हुस्सु/कुहिरो लागेको छ ।
आज दिउँसो गण्डकी, लुम्बिनी, कर्णाली र सुदूरपश्चिम प्रदेश लगायत देशको पहाडी भू-भागमा आंशिक बदली रहने छ । देशका बाँकी भू-भागमा मौसम सामान्यतया सफा रहने महाशाखाले जनाएको छ । यस्तै कर्णाली र गण्डकी प्रदेशको उच्च पहाडी तथा हिमाली भू-भागको एक-दुई स्थानमा हल्का हिमपातको सम्भावना रहेको छ ।
यस्तै आज राति पनि देशका पहाडी भू-भागमा मौसम आंशिक बदली रहने छ । बाँकी भू-भागमा मौसम सामान्यतया सफा रहने र कोशी प्रदेशको उच्च पहाडी तथा हिमाली भू-भागका एक-दुई स्थानमा हल्का हिमपात हिमपात हुने सम्भावना छ ।
प्रतिक्रिया दिनुहोस