नवनियुक्त जनसंख्या तथा वातावरण मन्त्री मिथीला चाैधरीले वायू प्रदुषण डरलाग्दो समस्याका रुपमा देखिएको बताउदै यसको नियन्त्रणका लागि विशेष योजना ल्याउने प्रतिवद्धता व्यक्त गरेकी छन् ।

पदभार ग्रहण गर्दै चाैधरीले जलवायु परिवर्तनमासमेत विश्वसमुदायसमक्ष नेपालको हितमा वकालत गर्ने बताइन् । उनले नेपालले जलवायु परिवर्तनको असर विना कारण भोग्नु परेकोले यसको क्षतीपूर्ती अन्तर्राष्टिय समुदायबाट गराउनेतर्फ आफ्नो योजना अघि बढ्ने पनि उल्लेख गरेकी छन् ।

को हुन मिथीला ?

मध्यमवर्गीय किसान परिवारमा जन्मिएकी मिथीला भारतको मधुबनी बिहारमा हुर्केकी हुन् । मिथिला विश्वविद्यालय दरभंगा बाट उनले प्रविणता प्रमाणपत्र तहसम्मको अध्ययन पूरा गरेकी छन् ।

मिथिलाले परम्परागत रुपमा मदन मोहन चौधरी सँग सप्तरी राजविराजमा बिवाह गरेकी हुन् । २०४१ सालबाट राजनीतिक यात्रा सुरु गरेकी उनी त्यसपछि निरन्तर राजनीतिक यात्रामा छन् ।

मिथिलाले २०४६ सालको आन्दोलनमा सक्रिय भूमिका निर्वाह गरेकी थिइन् । उनी बामपन्थी नेता विष्णु बहादुर मानन्धर बाट प्रभावित भई मानन्धरले नै नेतृत्व गरेको पार्टी नकपा संयुक्तमा २०४१ सालबाट आवद्ध भइन् । उनी संसदको महिला बालबालिका तथा समाज कल्याण समितिकोे सदस्यसमेत भइसकेकी छन् ।

नेपाल कम्नयुनिष्ट पार्टी संयुक्तमा रहेर उनी राजनीति यात्रामा संलग्न छन् । उनी मन्त्री पनि सोही दलको प्रतिनिधित्व गर्दै भएकी हुन् ।

मन्त्री हुनुअघि उनी राजविराज नगरपालिमा सर्वदलिय संयन्त्रको सदस्यका रुपमा क्रियाशिल थिइन् ।

२०७० को संविधान सभा निर्वाचनमा नेकपा संयुक्तको तीन वटा समानुपातिक सिटमध्ये उनी एउटा हुन् । उनी नेकपा संयुक्तको पोलिटव्यूरो सदस्य समेत हुन् ।