चितुवा र बाघको छाला सहित ४ जना पक्राउ
- नेचर खबर
वन्यजन्तु चितुवाको छाला, हड्डी तथा बाघको छाला सहित ४ जनालाई प्रहरीले पक्राउ गरेको छ ।
काठमाडौँको जमल र बौद्ध आरुवारीबाट प्रहरीले पक्राउ गरेको हो ।
पक्राउ पर्नेहरूमा काठमाडौँ टोखा बस्ने सिन्धुपाल्चोक चौथली गाउँपालिका–५ का २० वर्षीय सागर भन्ने दिलकुमार श्रेष्ठ, मनमैजु बस्ने सोही ठाउँका ३७ वर्षीय लिलाबहादुर श्रेष्ठ र गौरीघाट बस्ने सिन्धुपाल्चोक त्रिपुरा गाउँपालिका–९ का ३१ वर्षीय रमेश बोहरा रहेका छन् ।
काठमाडौँ महानगरपालिका–२६ जमलबाट चितुवाको छाला २ थान र हड्डी डेढ किलो सहित प्रहरीले पक्राउ गरेको हो ।
यसैगरी गोकर्णेश्वर नगरपालिका–१ नयाँपाटी बस्ने सर्लाही घर भएका २२ वर्षीय सुजन वाईबालाई आरुवारीबाट बाघको छाला १ थान सहित प्रहरीले पक्राउ गरेको छ ।
प्रतिक्रिया दिनुहोस