सामुदायिक वन उपभोक्ता महासंघ नेपाल (फेकोफन) ले कोरोना भाइरस (कोभिड–१९) को सम्भावित सङ्क्रमण रोक्न मुलुकभरका सामुदायिक वन उपभोक्ता समूहका भवन क्वरेन्टाइनका प्रयोग गर्ने दिने घोषणा गरेको छ ।

फेकोफनले एक हजार ३९८ भवन क्वरेन्टाइनका रुपमा प्रयोग गर्न सकिने घोषणा गरेको हो । फेकोफनले सातै प्रदेशमा रहेका सामुदायिक वन उपभोक्ता समूहका भवन मध्ये प्रदेश नं. १ मा १२४, प्रदेश नं. २ मा ५५, वाग्मती प्रदेशमा २६८, गण्डकी प्रदेशमा २१६, प्रदेश नं. ५ मा ३११, कर्णाली प्रदेशमा ८४ र सुदूरपश्चिम प्रदेशमा रहेका ३४० गरी एक हजार ३९८ भवन क्वरेन्टाइनका लागि प्रयोग गर्न सकिने जनाएको छ ।

त्यस्तै, साथै सङ्घीय महासङ्घको एक, प्रदेश महासङ्घको दुई र जिल्ला महासङ्घको १० गरी थप १३ भवन पनि क्वरेन्टाइनका लागि प्रयोग गर्न सकिने अध्यक्ष पाठकले जानकारी दिइन ।

फेकोफनको अध्यक्ष भारती पाठकले सातै प्रदेशमा रहेका उक्त भवन तीनै तहका सरकारले फेकोफन र सम्बन्धित सामुदायिक उपभोक्ता समूहहरुसँग समन्वय गरी क्वरेन्टाइनका लागि प्रयोग गर्न सक्ने बताइन् ।

देशभर कुल २२ हजार २६६ सामुदायिक वन उपभोक्ता समूह छन् । फेकोफनको केन्द्रिय कोषाध्यक्ष थाकुर भण्डारीले विपदको समयमा सबै जिम्मेवारी भयौ भने सामाधनमा सफलता पाइने बताए ।