वासिङटन डिसी - अमेरिकी सरकारले पहिलो पटक अन्तरिक्षको फोहोर अन्तरिक्षमा छाड्ने कम्पनीलाई जरिवाना गरेको छ ।

संघीय सञ्चार आयोगले ‘डिस नेटवर्क’ लाई १ लाख ५० हजार डलर जरिवाना गरेको छ । डिश नेटवर्कले हाल प्रयोगमा रहेका उपग्रहहरूबाट आफ्नो पुरानो उपग्रहहरू मध्ये एउटा सार्न असफल भयो।

कम्पनीले आफ्नो गल्ती स्वीकार गर्दै एफसीसीले दिएको सजायको पालना गर्ने बताएको छ । पुराना भूउपग्रह र अन्तरिक्ष यानका कारण अन्तरिक्षमा फोहोर बढ्दै गएकाले कुनै दिन ठुलो दुर्घटना हुने सम्भावना बढ्दै गएको छ ।

संघीय सञ्चार आयोगले डिस नेटवर्कको पुरानो स्याटेलाइट हाल पृथ्वीको परिक्रमा गरिरहेका अन्य उपग्रहका लागि खतरा भएको जनाएको छ । डिश नेटवर्कको इकोस्टार 7 उपग्रह पहिलो पटक सन् २००२ मा प्रक्षेपण गरिएको थियो। यो जियोस्टेशनरी कक्षमा थियो, जुन पृथ्वीको सतहबाट ३६००० किलोमिटर माथिबाट सुरु हुन्छ।

डिस नेटवर्कले यो स्याटेलाइटलाई पृथ्वीबाट करिब ३०० किलोमिटर टाढा राख्नुपर्ने थियो। तर २०२२ मा यो स्याटेलाइटको आयु समाप्त भएपछि १२२ किलोमिटर मात्र टाढा सारिएको थियो।

सन् २०२२ मा डिस नेटवर्कको आम्दानीको तुलनामा १,५०,००० डलर धेरै सानो रकम मानिन्छ। कम्पनीले गत वर्ष १६.७ बिलियन डलर कमाएको थियो।

सन् १९५७ मा पहिलो स्याटेलाइट प्रक्षेपण भएदेखि अहिलेसम्म करिब १० हजार उपग्रह अन्तरिक्षमा पठाइसकेका छन् । अमेरिकी अन्तरिक्ष एजेन्सी नासाका अनुसार हाल अन्तरिक्षमा करिब २५ हजार साना पार्टपुर्जा छन् ।

नासाका प्रमुख बिल नेल्सनले यस वर्ष जुलाईमा बीबीसीलाई अन्तरिक्षको फोहोर ठूलो समस्या भएको बताएका थिए। बीबीसी