चितवन राष्ट्रिय निकुञ्जमा गैंडा मृत भेटियो, जुधेर मरेको दाबी
- नेचर खबर
चितवन - चितवन राष्ट्रिय निकुञ्जमा गैंडा मृत फेला परेको छ। निकुञ्जको पश्चिम क्षेत्रको खोरिया मुहानमा २५ वर्षको पोथी गैंडा मृत भेटिएको निकुञ्जका सुचना अधिकारी गणेश तिवारीले बताए।
भाले गैंडाको आक्रमणबाट पोथी गैंडा मरेको आशंका गरिएको छ। निकुञ्जका सूचना अधिकारी गणेशप्रसाद तिवारीले मृत भेटिएको गैँडाको खाग र खुर सुरक्षित रहेको जानकारी दिए । भने, “जुधेर गैँडा मरेको हो ।”
गैंडाको पोस्टमार्टम गरेर गाडिएको छ। गैंडाको खाग र खुर सुरक्षित रहेको निकुञ्जले जनाएको छ। २१ गते साँझ निकुञ्ज र निकुञ्ज सुरक्षार्थ खटिएको खड्ग दलको संयुक्त गस्तीको क्रममा मरेको गैंडा फेला परेको हो।
योसहित यस वर्ष निकुञ्जमा मर्ने गैडाको संख्या पाँच पुगेको छ। यी मध्ये एउटा चोरी शिकारीबाट मारिएको आशंका गरिएको छ।
प्रतिक्रिया दिनुहोस