तीन दिन आंशिक बदली रहने, हिमपातको छैन सम्भावना
- नेचर खबर
काठमाडौं - केही प्रदेशमा आज आंशिक बदली रहनेछ भने बाँकी भूभागमा मौसम सफा रहनेछ ।
मौसम पूर्वानुमान महाशाखाकाअनुसार आज दिउँसो कोशी, मधेश, बागमती, गण्डकी र लुम्बिनी प्रदेशमा आंशिक बदली रहनेछ । बाँकी भूभागको मौसम सामान्यत: सफा रहनेछ ।
राति पनि कोशी, मधेश, बागमती, गण्डकी र लुम्बिनी प्रदेशमा आंशिक बदली रहनेछ । बाँकी भूभागमा मौसम सामान्यत: सफा रहने महाशाखाले जनाएको छ ।
नेपालमा हाल पश्चिमी वायुको आंशिक प्रभावले पहाडी भूभागमा आंशिक बदली रही बाँकी भूभागमा मौसम सफा रहेको छ । तराईका थोरै स्थानमा हुस्सु/कुहिरो लागेको छ।
महाशाखाकाअनुसार मंगलबार र बुधबारसम्मै आंशिक बदली रहने तर वर्षा र हिमपातको सम्भावना छैन ।
प्रतिक्रिया दिनुहोस