आजको मौसम : देशको अधिकांश भूभागको मौसम सफा
- नेचर खबर
काठमाडौं - देशका अधिकांश भूभागको मौसम आज सफा रहनेछ । मौसम पूर्वानुमान महाशाखाले नेपालमा हाल उल्लेखनीय मौसम प्रणाली नभएकाले वर्षा र हिमपातको सम्भावना नरहेको जनाएको छ ।
अहिले बिहान कोशी र गण्डकी प्रदेशको पहाडी भूभागमा आंशिक बदली भई बाँकी भूभागमा मौसम सफा रहेको जनाएको छ। तराईका थोरै भूभागमा हुस्सु/कुहिरो लागेको छ।
दिउँसो कोशी, बागमती र गण्डकी प्रदेशको पहाडी भूभागमा आंशिक बदली हुनेछ भने बाँकी भूभागमा मौसम सामान्यत: सफा रहनेछ।
राति कोशी र गण्डकी प्रदेशको पहाडी भूभागमा आंशिक बदली रहनेछ । बाँकी भूभागमा मौसम सफा रहने महाशाखाले जनाएको छ ।
भोलि (मंगलबार) कोशी र गण्डकी प्रदेशको पहाडी भूभागमा आंशिक बदली रहनेछ । बाँकी भूभागमा मौसम सफा रहनेछ।
राति सुदूरपश्चिम र कर्णाली प्रदेशमा आंशिक बदली रही बाँकी भूभागमा मौसम सफा रहने महाशाखाको पूर्वानुमान छ ।
प्रतिक्रिया दिनुहोस