शौच गर्न गएका युवकको बाघको आक्रमणबाट मृत्यु
- नेचर खबर
पर्सा – पर्सामा बाघको आक्रमणबाट एक युवकको मृत्यु भएको छ । पटेर्वासुगौली गाउँपालिका– २ थरुहटी गाउँका ३२ वर्षीय मनोज राउतको मृत्यु भएको हो ।
गाउँभन्दा करिब दुई सय मिटर उत्तर जंगलको खाली जग्गामा शौच गर्न गएका उनी सोमबार बिहान मृत फेला परेका थिए ।
आइतबार राति शौच गर्न गाउँनजिकको जंगलमा गएका ढागड बिहान मृत फेला परेको इलाका प्रहरी कार्यालय पटेर्वासुगौलीका प्रहरी निरीक्षक रामराजा केशरीले बताए ।
राति घर नफर्किएपछि सोमबार बिहान खोज्न निस्किएकाहरूले रगत र मोबाइल देखेपछि प्रहरी र वनका कर्मचारीलाई खबर गरेका थिए । घटनास्थलमा शव जाँच मुचुल्का बनाएपछि पोस्टमार्टमका लागि पठाउने प्रहरीले जनाएको छ ।
प्रतिक्रिया दिनुहोस