झापामा जंगली हात्तीको रोकिएन आतंक, मध्यरातमै लियो मेघराजको ज्यान
- नेचर खबर
झापा – झापामा जंगली हात्तीको आक्रमणमा परी पुनः एक जनाको मृत्यु भएको छ ।
मृत्यु हुनेमा शिवसताक्षी नगरपालिका – ११ स्थित सृष्टिटोलका ४५ वर्षीय मेघराज राई रहेको प्रहरीले जनाएको छ ।
शुक्रबार विहान करिब १ः४५ बजे उनलाई घरमा नै हात्तीले आक्रमण गरेको थियो । घरमा हात्ती आएपछि राई छिमेकीहरूको सहयोगमा हात्ती धपाउन गएका थिए ।
सोही क्रममा उनलाई आक्रमण गरेको जिल्ला प्रहरी कार्यालय झापाका डीएसपी खगेन्द्रप्रसाद रिजालले जानकारी दिए ।
शवको कानुनी प्रक्रिया पुरा गरी पोस्टमार्टमको लागि शव दमक अस्पताल पठाइसकेको प्रहरीले जनाएको छ ।
यसअघि हात्तीले हल्दिबारीमा दुई जना र दमकमा एक जनाको ज्यान लिइसकेको छ ।
योसँगै डेढ महिनाको अवधिमा हात्तीले झापामा ४ जनाको ज्यान लिइसकेको छ ।
प्रतिक्रिया दिनुहोस