कोशी र गण्डकीमा हिमपातको सम्भावना
- नेचर खबर
काठमाडौं । आंशिक बदली भई आज कोशी र गण्डकी प्रदेशको उच्च पहाडी तथा हिमाली भूभागको एक-दुई स्थानमा हल्का हिमपातको सम्भावना छ।
नेपालमा हाल पश्चिमी वायुको आंशिक प्रभाव रहेको छ ।
अहिले बिहान कोशी, मधेश, बागमती र गण्डकी प्रदेशमा आंशिक बदली रहेको मौसम पूर्वानुमान महाशाखाले जनाएको छ । बाँकी भूभागमा मौसम सामान्यत: सफा छ ।
विभागका अनुसार दिउँसो कोशी, गण्डकी, कर्णाली र सुदूरपश्चिम प्रदेशको पहाडी भूभागमा आंशिक बदली रहनेछ ।
आज दिउँसो कोशी र गण्डकी प्रदेशको उच्च पहाडी तथा हिमाली भूभागको एक-दुई स्थानमा हल्का हिमपात हुने महाशाखाले जनाएको छ ।
राति आंशिक बदली रही कोशी र गण्डकी प्रदेशको उच्च पहाडी तथा हिमाली भूभागको एक-दुई स्थानमा हल्का हिमपातको सम्भावना छ। बाँकी भूभागमा मौसम सफा रहनेछ ।
प्रतिक्रिया दिनुहोस