सञ्चारकर्मी उपाध्याय सम्मानित
- नेचर खबर
वन्यजन्तु, वन, वातारण संरक्षणमा अध्ययन अनुसन्धान तथा लेखनमा योगदान पुर्याएको भन्दै वन तथा भू संरक्षण मन्त्रालयले सञ्चारकर्मी लक्ष्मीप्रसाद उपाध्यायलाई आज राजधानीमा आयोजित एक कार्यक्रममा सम्मान तथा अभिनन्दन गरेको छ ।
वन्यजन्तु सप्ताह मनाउने क्रममा सप्ताहान्तको दिन विहीवार राजधानीमा आयोजित विशेष समारोहमा सञ्चारकर्मी उपाध्यायलाई सम्मान तथा अभिनन्दन गरेको हो । नेपाल सरकारले विगत २२ वर्षदेखि सप्ताहव्यापी रुपमा वन्यजन्तुको संरक्षणमा योगदान पुग्ने बिभिन्न कार्यक्रम सञ्चालन गर्दै आइरहेको छ ।
बाघ, गैँडा, हात्ती लगायतका मेगा वन्यजन्तुको संरक्षणमा युवालाई अभिप्रेरित गर्ने बिभिन्न कार्यक्रम सञ्चालन गरी सरकारले यस वर्षको वन्यजन्तु सप्ताह मनाएको छ । सञ्चारकर्मी उपाध्यायले विगत डेढ दशकदेखि सक्रिय पत्रकारिता गर्दै आउनुभएको छ । उपाध्याय गोरखापत्र दैनिकमा कार्यरत हुनुहुन्छ ।
प्रतिक्रिया दिनुहोस