बुधबार बिहान कोशी प्रदेशका केही ठाउँमा भारी वर्षा, सतर्कता अपनाउन आग्रह
- नेचर खबर
काठमाडौं — जल तथा मौसम विज्ञान विभागका अनुसार बुधबार बिहान कोशी प्रदेशका केही ठाउँमा भारी वर्षा भइरहेको छ ।
विभागका अनुसार पछिल्लो ३ घण्टामा सुनसरीको तरहरा र आसपासका क्षेत्रमा भारी वर्षा भएको छ । पछिल्लो ३ घण्टामा तरहरामा ६६.८ मिलिमिटर र केराबारी क्षेत्रमा ५२.८ मिलिमिटर वर्गा भएको विभागले जनाएको छ ।
विभागले भारी वर्षाका कारण विभिन्न खोलामा आकस्मिक बाढीको सम्भावना रहेको भन्दै सतर्कता अपनाउन आग्रह गरेको छ । सर्दु ,सुनसरी खोला ,बुढी खोला, खेसलिया खोलालगायत अन्य स-साना खोलामा आकस्मिक बाढीको तथा होचो भू-भागमा डुबानको जोखिम रहेकोले दिउँसोसम्म सतर्कता अपनाउन विभागको आग्रह छ ।
प्रतिक्रिया दिनुहोस