हात्तीको आक्रमणबाट इलाममा वृद्धको मृत्यु
- नेचर खबर
इलाम - जंगली हात्तीको आक्रमणबाट इलामको चुलाचुली गाउँपालिका–२ का राजकुमार राईको मृत्यु भएको छ ।
चुलाचलुी–१ घर भएका ७३ वर्षीय राई हात्ती खेदाउन जाँदा हात्तको आक्रमणमा परी मृत्यु भएको इलामका प्रहरी प्रमुख एसपी प्रभुप्रसाद ढकालले जानकारी दिए ।
उनका अनुसार राईलाई सोमबार साँझ साढे ७ बजेतिर हात्तीले आक्रमण गरी घाइते बनाएको थियो ।
घर छेउमा हात्ती आएको भन्दै धपाउन जाँदा हात्तीको आक्रमणमा परी गम्भीर घाइते राईलाई तत्कालै दमकस्थित लाइफलाइन अस्पताल लगिएको थियो ।
अस्पतालमा उचारका क्रममा सोमबार राति साढे १० बजेतिर मृत्यु भएको एसपी ढकालले बताए ।
१ नम्बर वडामा घर भए पनि राई २ नम्बर वडाको निगुरेमा खेतीपाती गर्दै आएको प्रहरीले जनाएको छ ।
प्रतिक्रिया दिनुहोस