आजदेखि सुरु भयो सेतो मच्छिन्द्रनाथको रथयात्रा
- नेचर खबर
काठमाडौँ - सेतो मच्छिन्द्रनाथको रथयात्रा शुरु हुँदैछ । चैत्र शुक्ल अष्टमी अर्थात् हरेक वर्ष चैते दसैँको दिनदेखि सेतो मच्छिन्द्रनाथको रथयात्रा सुरु हुने गर्छ ।
उपत्यकाका वृद्धवृद्धालाई दर्शन गराउन रथलाई नगर परिक्रमा गराउने परम्परा छ । सोहीअनुसार आज साँझ ५ बजे जमलको तीनधाराबाट तानेर शहरका विभिन्न स्थान परिक्रमा गर्दै भोटाहिटीसम्म पुर्याइने रथजात्रा मुल व्यवस्थापन समितिले जनाएको छ ।
सेतो मच्छिन्द्रनाथलाई जनबहालबाट नगरपरिक्रमा गराई जमलमा बनाइएको रथमा प्रतिस्थापन गराइएपछि नगर परिक्रमा गर्ने प्रचलन छ । पहिलो दिन महिलाले मात्रै रथ तान्नेछन्। रथलाई भोलि असनसम्म र पर्सि तेस्रो दिन मरुहिटी र जैसीदेवल हुँदै लगनटोल पुर्याइनेछ ।
अन्तिम दिन लगनटोलस्थित मच्छिन्द्रनाथकी आमालाई तीनपटक परिक्रमा गराएपछि रथयात्रा सम्पन्न हुन्छ । सेतो मछिन्द्रनाथको दर्शन गरे सुख, सुस्वास्थ्य र दीर्घायु प्राप्त हुने विश्वास छ ।
प्रतिक्रिया दिनुहोस