हात्ती धपाउन जाँदा झापामा मीनबहादुरको मृत्यु
- नेचर खबर
झापा - जंगली हात्तीको आक्रमणबाट आइतबार बिहान झापामा एक जना पुरुषको मृत्यु भएको छ ।
दमक नगरपालिका–३ दीपज्योति टोलका ४५ वर्षीय मीनबहादुर भण्डारीलाई बिहानका राति २ बजेतिर हात्तीले आक्रमण गरेको झापा प्रहरीका प्रवक्ता डीएसपी कृष्णकुमार चन्दले बताए । उनका अनुसार छिमेकी सुविन भट्टराईको भान्सा कोठा भत्काउन लाग्दा भण्डारीले हात्ती धपाउन खोजेका थिए ।
त्यही हात्तीले लछारपछार पार्दै सय मिटर पर पुर्याइ उचालेर पछारेको प्रहरीको भनाइ छ । भण्डारीको घटनास्थलमै मृत्यु भएको र घटनाको थप अनुसन्धान भइरहेको डीएसपी चन्दले बताए ।
प्रतिक्रिया दिनुहोस