काठमाडौं – अन्टार्कटिकाबाट टाढाको समुन्द्रमा छन् विश्वकै ठूला हिमशिला । तर, पछिल्लो समय ती हिमशिला पग्लँदै छन्, हिमशिला मुनी ठूला–ठूला गुफा देखिन थालेको छ । अब ती शिला समुद्रमा तैरन लागेका छन् ।

इयोज एक्सपेडिसन कम्पनी द्वारा सञ्चालित जहाजमा सवार फोटोग्राफरहरूले खिचेका तस्बीरमा ठूला आइसबर्गमा ठुला गुफा बनेजस्तो देखिएको छ ।

तस्बिरहरूले आइसबर्गको विशाल स्केललाई प्रकट गर्छ । लामो दूरीमा फैलिएको यो बेलायतको राजधानी लन्डनको आकार भन्दा दुई गुणा बढी रहेको ती फोटोग्राफर बताउँछन् ।

तस्बिरहरूले गहिरो सतह दरारहरू देखाउँछन् भने हिमशिलामा खाली गुफाहरू कुँदिएका देखिएका छन् । यसबाट सो आइसबर्ग बिस्तारै क्षय हुँदै गएको बुझ्न सकिन्छ । किनभने यो अन्टार्कटिकाको उत्तरतिर सरिरहेको छ भने यसले हल्का हावा र तातो महासागरको तापक्रमको सामना गरिरहेको छ ।



अभियान टोलीले हिमशिलाका टुक्राहरू समुद्रमा फुटेको देखेको बताएका छन् । यो हिमशिला अन्टार्कटिकाको समुन्द्री सतहमा लगभग तीन दशकदेखि रहेको छ ।

१९८६ माफिलच्नेर रोंने आइस शेल्फबाट बरफको ठूलो समूह टुटेको थियो, र त्यसपछि तुरुन्तै अन्टार्कटिकको वेडेल समुद्रको साथमा रोकिएको थियो । हिमशिला करिब ४०० मिटर बाक्लो छ, र लगभग ४,००० वर्ग किलोमिटर क्षेत्रफलमा छ ।

यसलाई ए २३ ए नाम दिइएको छ । वैज्ञानिकहरूले भनेका छन्, ‘यो विशेष हिमशिला आइस शेल्फको प्राकृतिक बृद्धि चक्रको एक भागको रूपमा भाँचिएको छ । तर, जलवायु परिवर्तनले यस विशाल, पृथक महाद्वीपमा विश्वव्यापी समुद्री सतह वृद्धिको लागि सम्भावित विनाशकारी परिणामहरूको साथ चिन्ताजनक परिवर्तनहरू ड्राइभ गरिरहेको छ ।’