‘नेपाली काठ जंगलमै कुहिने, विदेशी कहिलेसम्म भित्र्याउने ?’
- नेचर खबर
![](https://naturekhabar.com/wp-content/uploads/2024/06/prabhu-shah.jpg)
काठमाडौं - आम जनता पार्टी (आजपा)का सांसद प्रभु साहले नेपाली काठ प्रयोगका सम्बन्धमा सरकारको नीति माग गरेका छन् ।
शुक्रबार प्रतिनिधि सभामा बजेटको मन्त्रालयगत छलफलमा बोल्दै उनले भने, ‘नेपाली काठ जङ्गलमा कुहिने र विदेशी काठले बजार तताउने दुर्भाग्य कहिले अन्त्य हुन्छ ?’
जङ्गली जनावरबाट पीडित किसानलाई बजेट नपरेकोमा पनि उनले वन तथा वातावरण मन्त्रालयको ध्यानाकर्षण गराएका छन् ।
तराई मधेशमा खानेपानीको हाहाकार रहेको साहले बताए । उनले भने, ‘काठमाडौंमा पनि पानीको समस्या छ । तर सरकार यस्ता विषय बजेटमा समेट्दैन ।’
प्रतिक्रिया दिनुहोस