युएसएआइडीका कर्मचारीलाई अमेरिका फर्किन आदेश, बाँकीलाई बिदा
- नेचर खबर
काठमाडौँ । अमेरिकी अन्तर्राष्ट्रिय विकास नियोग (युएसएआइडी)ले विश्वभर रहेका आफ्ना कार्यलयमा कार्यरत अमेरिकी नागरिकलाई अमेरिका फर्किन निर्देशन दिएको छ ।
युएसएआइडीले सूचना मार्फत विभिन्न देशबाट अमेरिका फर्किन र बाँकी करारका कर्मचारीलाई शुक्रबार रातिबाट बिदामा बस्न भनेको छ । यो निर्देशन नेपालस्थित कार्यालयमा लागू हुनेछ ।
अमेरिका बाहिर नियुक्त भएका कर्मचारीहरूका लागि युएसएआइडीले मिसनहरू र विदेश मन्त्रालयको समन्वयमा योजना बनाइरहेको जनाएको छ ।
यूएसएआईडीले ३० दिनभित्र अमेरिका फर्किनका लागि आफ्नो यात्राको व्यवस्थापन गर्न पनि निर्देश गरेको छ ।
अमेरिकी राष्ट्रपति डोनाल्ड ट्रम्पले यूएसआईडीको सहायता तीन महिनाका लागि रोकेका थिए ।
वासिङ्टन पोस्टका अनुसार, सन् २०२३ मा युएसएआइडीले विश्वका १०० भन्दा बढी देशमा ४० अर्ब अमेरिकी डलर (करिब ५५ खर्ब ३७ अर्ब रुपैयाँ) खर्च गरेको थियो ।
यूएसएआईडीका संसारभरीका कार्यालयहरूमा १० हजारभन्दा बढी कार्यरत रहेको जनाइएको छ ।
प्रतिक्रिया दिनुहोस