मृतक वन रक्षककाे परिवारलाई २९ लाख सहयाेग
- नेचर खबर
ताप्लेजुङ्ग जिल्लामा सामुदायिक वन सिमानामा सर्वे गरिरहेका बेला वन अतिक्रमणकारी वाट हत्या भएका वन रक्षक स्व. गणेश बहादुर शाहीको परिवारलाई वन विभागले २९ लाख ७० हजार ४ सय ५९ रुपैयाँ सहयोग गरेको छ ।
उक्त रकम वन विभागका महानिर्देशक कृष्णप्रसाद आचार्यले स्व. गणेश बहादुर शाहीकी श्रीमती पवित्रा शाहीलाई हस्तान्तरण गरेका हुन् ।
वन विभागका कर्मचारीले एक दिनको तलब सहयोग मार्फत सो रकम जम्मा गरेका थिए । यसबाहेक अन्य २० जिल्लाका वन कर्मचारीले पनि शाहीको परिवारलाई सहयोगका लागी रकम जुटाएका छन् ।
२०७३ साल पौष १७ गते बिहानको समयमा ताप्लेजुङ जिल्लास्थित वोइराको सामुदायिक वनको सिमान सर्भे गर्दै गर्दा स्थानीय टेक बहादुर लिम्बुले उनको हत्या गरेका थिए । शाहीका श्रीमतीसहित २ छोरा र १ छोरी रहेका छन् ।
यस अघि सरकारले मृतकका परिवारलाई १० लाख रुपैयाँ प्रदान गरेको थियो ।
प्रतिक्रिया दिनुहोस