जब नारायणीमा नुहाउन गएका वृद्धलाई गोहीले तानेर लग्यो…
- नेचर खबर
काठमाडौं — पूर्वी नवलपरासीको मध्यबिन्दु नगरपालिकामा गोहीको आक्रमणमा परी एक वृद्धको मृत्यु भएको छ ।
मध्यबिन्दु नगरपालिका–२ सेहरी गाउँस्थित नारायणी नदी किनारमा आज बिहान नुहाउन गएका ७२ वर्षीय मिनबहादुर थारुलाई गोहीले आक्रमण हो ।
उनलाई गाहीले तानेर पानी भित्र डेढ घण्टासम्म राखेको जिल्ला प्रहरी कार्यालयका डीएसपी बेदबहादुर पौडेलले बताए ।
प्रहरीले उनको शव निकालेर पोष्ट माटमका लागि जिल्ला अस्पतालमा पठाएको छ ।
यसैबिच वृद्धलाई आक्रमण गरेको गोहीलाई चितवन राष्ट्रिय निकुञ्जका अधिकारीहरूले नियन्त्रणमा लिएका छन् । जिल्ला प्रहरी कार्यालय नवलपरासी पूर्वका डीएसपी बेदबहादुर पौडेलका अनुसार मान्छेलाई आक्रमण गरेको गोहीलाई चितवन निकुञ्जका अधिकारीहरूले नियन्त्रणमा लिएर चितवन राष्ट्रिय निकुञ्ज लगेका छन् ।
कसरास्थित गोही प्रजनन केन्द्रको नजिकै कुनै पोखरी, ताल वा रहमा छाडिने निकुञ्जका अधिकारीहरूले जनाएका छन् । निकुञ्जका सूचना अधिकारी गणेश तिवारीका अनुसार निकुञ्जभित्रको तालतलैयामा छोडिने छ ।
प्रतिक्रिया दिनुहोस