कोशी, बागमती र गण्डकी प्रदेशमा हल्कादेखि मध्यम वर्षाकाे सम्भावना
- नेचर खबर
काठमाडाैं । आज पनि कोशी, बागमती र गण्डकी प्रदेशमा हल्कादेखि मध्यम वर्षा हुने सम्भावना रहेको जल तथा मौसम विज्ञान विभागले जनाएको छ।
विभागका अनुसार हाल देशभर पश्चिमी र स्थानीय वायुका साथै भारत पश्चिम बंगालको आकाशमा विकसित न्यूनचापीय प्रणालीको आंशिक प्रभाव छ।
सोही कारण आज दिउँसो कोशी, वागमती र गण्डकीका पहाडी भेगका थोरै तथा बाँकी प्रदेशका १-२ ठाउँमा हल्कादेखि मध्यम वर्षा हुने सम्भावना छ। यस्तै, उच्च पहाडी र हिमाली भेगका थोरै ठाउँमा हल्का हिमपात हुने सम्भावना छ।
आज राति देशका पहाडी भेगमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहने सम्भावना छ।
प्रतिक्रिया दिनुहोस