हात्तीको आक्रमणबाट एक जना गम्भीर घाइते
- नेचर खबर
सप्तरीको मौली खोला किनारमा जंगली हात्तीको आक्रमणबाट एक महिला गम्भीर घाइते भएकी छन्।
अग्नी सायर कृष्णा सवरन गाउँपालिका वडा नम्बर १ स्थीत मौली खोलाको देउराली भन्ने ठाँउमा हात्तीको आक्रमणबाट गम्भीर घाइते एक महिलालाई फेला पारेको स्थानीयबासी दुर्गाप्रसाद भट्टराईले जानकारी दिए।
मुर्छित अवस्थामा स्थानीयले ती महिलालाई खोलाको बगरमा फेला पारेपछि प्रहरीलाई खवर गरेका थिए। नाम, थर र वतन खुल्न नसकेकी ती महिला तराई मुलकी भएको स्थानीयले बताएका छन्।
५० वर्ष नाघेकी ती महिलाको सदरमुकामस्थित गजेन्द्र नारायण शिंह अञ्चल अस्पतालमा उपचारका लागि लगिएको प्रहरीले बताएको छ ।
शुक्रबार राति हात्तीले स्थानीयका घर भत्काउनुका साथै खेतमा लगाएको अन्न बालीसमेत क्षति पुर्याएको थियो।
प्रतिक्रिया दिनुहोस