चितुवाको छालासहित तीन जना पक्राउ
- नेचर खबर
काठमाडौंको चन्द्रागिरी नगरपालिका १४ कलंकी स्यूचाटारबाट दुर्लभ बन्यजन्तु चितुवाको छाला सहित ३ जनालाई प्रहरीले पक्राउ गरेको छ ।
पक्राउ पर्नेहरुमा ललितपुर टिकाथली बस्ने सिन्धुलीका ४१ वर्षीय शिखरनाथ चौलागाई, काठमाडौं कलंकी स्युचाटार बस्ने सिन्धुलीका २६ वर्षीय सुमन आले मगर र ललितपुर टिकाथली बस्ने सिन्धुलीका ३१ वर्षीय राजन पहाडी रहेका छन।
विशेष सुचनाको अधारमा महानगरीय अपराध महाशाखाबाट खटिएको प्रहरी टोलीले उनीहरु बस्ने स्यूचाटार घरमा तलासी गर्ने क्रममा झोलाभित्र चितुवाको छाला लुकाईछिपाई राखेको अवस्थामा फेला पारेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस