पशुपतीमा प्रदुषण घट्यो

पशुपतीनाथमा क्षेत्रमा रहेको विद्युतीय शवदाह गृह (विजुलीले लाश जलाउँदा) ९० प्रतिशत कम प्रदुषण मा शव जलाउने क्रम बढ्न थालेपछि त्यहाँको वायु प्रदूषणमा समेत कमी आएको छ ।

हिन्दु परम्परा अनुसार नै अन्तिम संस्कार कम समय र कम लागतमा गर्न सकिनेभएपछि मृतकका आफन्तको रुची पनि विद्यतुीय शवदाह गृहतर्फ बढेको देखिन्छ । दाउराको तुलनामा ९० प्रतिशतभन्दा कम मात्रै धुवां निस्किने भएकोले यो वातावरणमैत्री पनि छ । वातावरणविद् भूषण तुलाधरका अनुसार, विद्यतुीय शवदाह गृहमा शव जलाउंदा दाउराबाट निस्किने भन्दा ९० प्रतिशत कम धुवाँ निस्कन्छ । “दाउराभन्दा कम धुवाँ निस्किने भएकोले पनि यो वातावरणमैत्री छ, यस्ता प्रविधी संधै प्रोत्साहन गर्नुपर्छ” वैकल्पिक उर्जाको प्रवद्र्धनको मुद्दा उठिरहेकाबेला वातावरणमैत्री यस्ता प्रविधीको विस्तारको विकल्प नभएको उनको भनाई छ ।

२०७२ साल माघमा उद्घाटन भएको शवदाह गृहमा फागुन अन्त्यसम्ममा ४४६८ शव जलिसकेका छन् । यसका आधारमा पनि दैनिक १० भन्दा बढी शव विद्युतीय शवगृहमा जलाइन्छन् । सामान्यतया एउटा शव जलाउन तीनसय किलोग्राम दाउरा खतप हुन्छ । विद्यतुीय शवदाह गृह सञ्चालन भएपछि आसपासको क्षेत्रमा कम प्रदुषणको अनुभूती स्थानीय बासिन्दाले गरेका छन् । “धुवाँ कम भएको छ । यसले आसपासमा बस्नेलाई केही सहज भएको छ,” स्थानीय बासिन्दा सागर श्रेष्ठले भने । पशुपती विकास कोषका प्रशासकीय अधिकृत कुमार थापामगरले विद्युतीय शवगृहको सञ्चालनले पशुपती क्षेत्रमा प्रदुषण कम भएको बताए ।

एउटा शव जल्न करिव ४५ मिनेट समय लाग्छ । कोषले एउटा शव जलाउन चार हजार रुपैयां लिने गरेको छ । विद्यतुीय शव दाह गृहमा अन्तिम संस्कारका लागि आउनेको संख्या बढेपछि अर्को गृहसमेत थप गर्ने तयारी गरिरहेको जानकारी कोषले दिएको छ ।