भारत पुगेकाको गैंडाको उद्दार सकियो, अब नेपालमा सुरु
- नेचर खबर
चार महिना अघि चितवन राष्ट्रिय निकुञ्जबाट बाढीले बगाएर भारत पुगेको गैंडाको उद्धार सकिए लगत्तै नेपालको त्रिवेणी केउलेनी सामुदायक वन क्षेत्रका गैंडा उद्धार कार्य बुधबारदेखि सुरु गरिएको छ ।चितवन राष्ट्रिय निकुञ्जका प्रमुख संरक्षण रामचन्द्र कँडेलका अनुसार एउटा बच्चा गैंडा र अर्का वयस्क गैंडा त्रिवणीमा क्षेत्रमा रहेको छ ।भारतमा नै गैंडा उद्धार गरेको टोलीले नेपालको गैंडा उद्धार कार्यमा खटिएका छन् ।
पाँच दिनसम्मको प्रयास पछि पनि नेपालको त्रिवेणी क्षेत्रमा रहेको गैंडा उद्धार गर्न नसकिएपछि उद्धार टोली भारत तर्फ लागेका थिए । पशुचिकित्सक र प्राविधिक सहितको ४० जनाको टोली र ६ वटा हात्ती गैडा उद्धारका लागि खटिएका छन् ।उद्धार टोलीले नेपालबाट एउटा केटो गैंडा र भारतबाट नौ वटा गैंडा उद्धार गरिसकेको छ । भारतबाट उद्धार गरिएको गैंडामा ८ वटा पोथी गैंडा र एउटा केटो रहेको थियो । बाढीले बगाएर गैंडालाई भारत नै पुर्याएको घटना अधिल्ला वर्षहरुमा थिएन ।
प्रतिक्रिया दिनुहोस