धुलिखेल नगरप्रमुखले ल्याए ‘एक घर दुई रुख’ रोप्ने नीति

A+ A-



धुलिखेल नगरपालिकाले ‘एक घर, दुई रुख’ रोप्ने नीति सार्वजनिक गरेको छ। धुलिखेल नगरपालिकाको पहिलो नगरसभामा नगरप्रमुख अशोक ब्याञ्जु श्रेष्ठले सो नीति सार्वजनिक गरेका हुन् ।

नगरप्रमुख श्रेष्ठले नगरको समग्र विकासका लागि पूर्वाधार निर्माणमा प्राथमिकता दिएको बताए । उनले भने,‘नगरभित्रका चार फिटभन्दा अग्ला भूकम्पीय दृष्टिले जोखिमयुक्त पर्खाल एवं कच्चा किसिमको निर्माण भएका पर्खाललाई भत्काउनुपर्छ । पूर्वाधार विकास कार्यक्रमअन्तर्गत सूर्यविनायकदेखि धुलिखेलसम्म छ लेनको सडक निर्माण कार्य अविलम्ब अगाडि बढाउन पहल गरिने छ ।’ उनले हाल साँगा भञ्ज्याङसम्म सेवा दिइरहेको साझा यातायातलाई धुलिखेलसम्म सेवा सञ्चालन गर्न आग्रह गर्ने समेत बताए ।

उनले यसका लागि सहजरुपमा सवारी सञ्चालन अनुमतिपत्र तथा सहजरुपमा सेवा दिने वातावरण मिलाइने प्रस्तुत नीति तथा कार्यक्रममा रहेको जानकारी दिए । प्रस्तुत नीति, कार्यक्रम तथा बजेटमा समान्यीकरण अनुदानतर्फ १७ करोड २२ लाख तथा शर्त अनुदानतर्फ रु १२ करोड ९० लाख रहेको उल्लेख छ ।

 

प्रतिक्रिया दिनुहोस

sidebar1
sidebar2
sidebar3
sidebar4
sidebar5
sidebar6
sidebar6
web
analytics